بسم الله الرحمن الرحيم
السلام عليكم ورحمه الله وبركاته وبعد
نقدم لكل الطلاب المرشحين للجامعات المختلفة ، جميع الأوراق و المستندات المطلوبة للتقديم لجميع الكليات للعام الدراسي 2024 – 2025 ، ننقل لكم التفاصيل كاملة على موقع أكاديمية كتاتيب مصر تابعو معنا هذا المقال..
تحميل جميع الأوراق و المستندات المطلوبة للتقديم لجميع الكليات للعام الدراسي 2024 – 2025
اخبار تنسيق الجامعات 2025
الأوراق المطلوبة للتقديم في الكليات المختلفة جهزوها قبل الزحمة
1 – صورة بطاقة الترشيح .
2 – أصل شهادة الثانوية العامة + صورة منها .
3 – أصل 2 شهادة الميلاد حديثة .(جديدة اللي فيها 3 أرقام) للذكور علشان التجنيد للبنين + صورة منها .
4 – صورة البطاقة الشخصية .
5 – عدد 6 صور حديثة مقاس 4 في 6 .
6 – استمارة 2 جند [ للذكور فقط ] .
7- المصاريف [ تختلف من كلية للتانية ] .
نصائح هامة أثناء التقديم للجامعة
1- صور بطاقة الترشيح بعد ما تطبعها حوالي 5 صور ، لانك هتدخل بيها من بوابة الجامعة وهتبقي ضمن أورق التقديم وهتحتاجها .
2- الصور مينفعش تبقي غير مقاس 4 في 6 لو روحت بصور صغيرة هترجع بيها ومش هياخدوا ورقك .
3- استمارة 2 جند و 6 جند بتيجي من منطقة التجنيد اللي أنت تابع ليها ، وبعض المدن والمراكز بتجيبها من مديرية الأمن ، أفضل حاجة تسأل واحد من بلدك أكبر منك وكان في ثانوية وقوله كنت جايبها منين .
4- بعض الكليات بتطلب دوسيه بلاستيك مع ورق التقديم ، عشان تحط فيه ورقك .
5- التقديم للكليات لسه بدري عليه ، وكل كلية بتعلن مع نفسها إنها فتحت باب التقديم ، بس جهز ورقك حتى يتم الإعلان عن تقديم الأوراق المطلوبة.
6- شهادة الميلاد من المهم جدا تكون حديثة ويكون موجودفيها الثلاث أرقام ، وبيتم استخرجها من السجل المدني التابع للمحافظه وللجهة اللي حضرتكم فيها أو تبعها.
7- لما تروح تجيب استمارة 2 جند واستمارة 6 جند ، هتجيبها بالبطاقة فقط ، وممكن حد يجبهالك عادي بس بطاقتك تكون معاه وسارية .
8- صورة البطاقة الشخصية مهمة في بعض الكليات فالكل يعملها
9- بعد التقديم بتظهر النتيجه وبتعرف اتقبلت في كلية إيه وتظهرلك بطاقه الترشيح باسمك واسم الكلية بتطبعها من على النت .
بالتوفيق إن شاءالله للجميع
لمزيد من المعلومات والتفاصيل نرجو منكم متابعتنا على صفحتنا على فيسبوك من الرابط التالي
https://www.facebook.com/ktateb
خالص تمنياتنا لكم بالتوفيق لجميع الإخوة الزملاء المعلمين والمعلمات وابنائنا الطلاب والطالبات في جميع المراحل التعليمية وانتظروا المزيد من اخبار وأدوات التعليم والملازم والمراجعات على موقع أكاديمية كتاتيب مصر تابعو معنا.
