بسم الله الرحمن الرحيم
تحميل كل تفاصيل ومعلومات ومميزات الكليات العسكرية في مصر
زي ما في كليات ليها امتحان قدرات، وفي كليات بيكون ليها انترفيوز، وفي كليات انتساب، ف في كليات ليها شروط كتيير جدا عشان تدخلها. 📜
الكليات العسكرية
وزي ما قولنا هم كليات ، فتعالوا نتعرف ع الكليات والمعاهد العسكرية ال ف مصر وإيه الشروط الخاصة بكل كلية أو معهد عشان تقدر تدخلها 👏:
📍الكلية الحربية:
– بتقبل من أدبي وعلمي والأزهر والشهادات المعادلة.
-تنسيقها 70% فيما فوق.
-مدتها 4 سنين(بتدرس فيهم علوم عسكرية وإنسانية وأساسيات هندسية).
-بتتخرج بكالوريوس في العلوم العسكرية.
-تقدر تكمل دراسات عُليا (ماجستير ودكتوراة).
📍الكلية الجوية:
-بتقبل من أدبي وعلمي والأزهر والشهادات المعادلة.
-تنسيقها 65% فيما فوق.
-مدتها 3 سنين(بتدرس فيهم علوم عسكرية وإنسانية، وعلوم الطيران والملاحة الجوية).
-بتتخرج بكالوريوس الملاحة الجوية وشارة الملاحة الجوية.
-تقدر تكمل دراسات عُليا.
📍الفنية العسكرية:
-بتقبل من ثانوية عامة(علمى رياضة بس) والأزهر والشهادات المعادلة القسم العلمى.
-تنسيقها 92% فيما فوق.
-لازم تكون جايب فى الرياضة والفيزياء مجموع > 70%
-مدتها 5 سنين(بتدرس فيهم علوم عسكرية وإنسانية، وعلوم هندسية).
-بتتخص ف قسم من الأقسام (ميكانيكا أو كهربا أو عمارة أو مدنى أو كيميا).
-بتتخرج ببكالوريوس هندسة تخصصك.
-تقدر تكمل دراسات عُليا.
📍الدفاع الجوى:
-بتقبل من ثانوية عامة(علمى رياضة بس) والأزهر والشهادات المعادلة القسم العلمي.
-تنسيقها 85%.
-لازم تكون جايب 70% من درجات الرياضة والفيزياء.
-مدتها 4 سنين(بتدرس فيها علوم عسكرية وإنسانية، وعلوم جوية خاصة وعلوم هندسة)
-بتتخرج ببكالوريوس فى علوم الدفاع الجوى .
وبتاخد بعدها بكالوريوس العلـــــــوم الهندسيــة من جامعـــة الاسكندرية تخصص هندسة اتصالات.
-تقدر تكمل دراسات عُليا.
📍الطب العسكري:
-بتقبل من علمي علوم والأزهر والشهادات المعادلة.
-تنسيقها 97% فاكتر.
-مدتها 6 سنين(بتدرس فيهم علوم عسكرية وإنسانية، وعلوم طبية).
-بتتخرج ببكالريوس في الطب والجراحة.
-ممكن تكمل دراسات عُليا.
📍الكلية البحرية:
-بتقبل من ثانوية عامة علمى أو ثانوية الأزهرية أو الشهادات المعادلة من القسم العلمى.
-تنسيقها 70% فيما فوق.
-بتعرف تعوم (السباحة) كويس جدا.
-مدتها 4 سنين(بتدرس فيها علوم عسكرية وإنسانية، وعلوم بحرية متخصصة).
-بتتخرج معاك بكالوريوس الدراسات البحرية.
-تقدر تكمل دراسات عُليا.
📍المعهد الفنى للقوات المسلحة:
-بيقبل من ثانوية عامة أو أزهرية علمى أو معاك شهادة الثانوية الصناعية نظام 5 أو 3 سنوات، أو التعليم المزدوج التابع لوزاة الانتاج الحربى، أو معهد الدونبسكو (تخصص كهرباء وميكانيكا بس).
-تنسيقها حوالي 60% للثانوية العامة، و75 % للثانوية الصناعية.
-بتدرس سنتين.
-بتتخرج بدبلوم فني تخصصي وبتتعين ملازم.
-تقدر تكمل دراسات عُليا.
📍المعهد التمريض العسكري للبنات:
-تكوني علمي علوم.
-تنسيقه 70%.
-بتتخرجي ظابط قوات مسلحة برتبة ملازم.
كل كلية من ال اتكمنا عنها تحتها شروط خاصة بيها، لكن في …
شروط عامة لكل الكليات العسكرية :
1. أنك تكون مصري الجنسية ومن أبوين وجدين مصريين الجنسية، وميكنش معاكم(أنت أو والديك) جنسيات تانية.
2. أنك تكون معاك شهادة إتمام دراسة الثانوية العامة أو ما يعادلها، وميكنش مر سنة على الشهادة.
لو السنة مرت لازم تكون مُقيّد ف كلية او معهد.
3. ميكونش اتحكم عليك بعقوبة جنائية أو جريمة مخلة بالشرف.
4. أنك تكون حسن السير والسلوك.
5. إنك تكون مش متجوز أو سبق لك الزواج،
وتتعهد بعدم الزواج طوال فترة دراسته بالكلية/المعهد العسكري.
6. متكونش استقلت أو اتفصلت تأديبياً من أى كلية/معهد عسكرى/مدرسة عسكرية.
7. متكونش أُعْفيت من الخدمة العسكرية لعدم اللياقة الطبية.
8. ميقلش طولك عن (170 سم) عدا الكلية الجوية فيُسمـح حتى ( 158سم) كحد أدنى.
9. أنك تكون لائق طبياً لشروط اللياقة الطبية المقررة من القومسيون الطبي للقوات المسلحة.
10. لازم تجتاز بنجاح إختبارات اللياقة البدنية.
خاص بنقطة9،10: مش بينفع تعيد الكشف الطبي، أو اختبارات اللياقة البدنية في نفس الدفعة المتقدمة في نفس العام في حالة عدم لياقتك الطبية، البدنية.موقع رؤية التعليمي
11. لازم تأدى بنجاح إختبار “قفزة الثقة” فى حمام السباحة من إرتفاع ( 7.5 متر ) بدون تردد وللمرة الأولى فى زمن لا يزيد عن (ثلاث ثوان) من إصدار الأمر بالقفز
12. لازم تجتاز بنجاح الاختبارات دي:
(الإختبارات النفسية، الإختبار الشخصى(كشف الهيئة)، إختبار المعلومات العامة، الإختبارات الطبية المتقدمة وال من ضمنها (التحاليل التخصصية المتقدمة)).
13. مايزدش سنك عن 21 سنة.
تقدر تقدم على ال website الخاص بوزارة الدفاع من هنا:
وهتلاقي فيه كمان معلومات عن الاختبارات .
على أد ما أنت كطالب العسكري بتتعب في الكلية، الا ان بيكون لك مزايا وصلاحيات كتير زي:
التكفل بجميع مصاريفك من اقامة ولبس وأكل دا غير الرعاية الاجتماعية والمميزات العسكرية اللي بتتمتع بيها بعد التخرج واثناء العمل وحتى بعد ما تطلع ع المعاش.
بالتوفيق
خالص أمنياتنا بالتوفيق لجميع الطلاب ان شاء الله في جميع المراحل الدراسية انتظرو كل ماهو جديد يخص أخبار وأدوات التعليم على منصة كتاتيب مصر
