بسم الله الرحمن الرحيم
شرح الكليات المتاحة لكل شعب طلاب اولى وتانية ثانوي نظام حديث
نصائح لكل طلاب أولى وتانيه ثانوي
المنشور السنوي اللي بنزله لكل الطلاب المحتارين نختار ايه
بعد قرار استمرار التشعيب جمعت لكم أهم معلومات عايزين تعرفوها بخصوص التشعيب وايه هي مواد كل شعبه ( علمي علوم و علمي رياضيات و أدبي ) اللي تقدر تختارها في سنة ثالثه بإذن الله وتؤهلك لكليات ايه إن شاء الله .
________________________
شعبة علمي رياضيات
★✔️عربي
★✔️انجليزي
★✔️لغه ثانيه
*كيمياء
*فيزياء
*استاتيكا
*ديناميكا
*جبر و هندسة فراغيه
*تفاضل وتكامل
________________________
شعبة علمي علوم
★✔️عربي
★✔️انجليزي
★✔️لغه ثانيه
*كيمياء
*فيزياء
*احياء
*جيولوجيا وعلوم بيئية
______________________
الشعبة الأدبية
★✔️عربى
★✔️انجليزي
★✔️لغه تانيه
*تاريخ
*جغرافيا
*فلسفه ومنطق
*علم النفس واجتماع
مواد غير مضافه مشتركة و مقرره لكل الشعب وهي :
(تربيه دينية ،تربية وطنيه ،اقتصاد وإحصاء ، حاسب ألي)
★✔️العلامة دي معناها مواد أساسية مشتركه لجميع الشعب
*العلامة دي معناها مواد التخصص لكل شعبه
العلامة دي معناها مواد غير مضافة لكل الشعب
كده انت عرفت مواد كل قسم ايه وتقدر تحدد هتختار ايه حسب قدراتك وظروفك ومقدرتك على المذاكرة انت الوحيد اللي عارف امكانياتك بتحفظ ولا بتفهم ولا بتحب تتعمق في الفهم والمعرفه كل ده هتقدر تحدده من خلال دراستك ولمعرفتك للمناهج ..
بس فكر وانت بتختار متقولش هختار شعبه كذا لأنها اسهل من كذا ،،
مافيش حاجه أسهل من غيرها وكل حاجه سهله بالمذاكرة والاهتمام والتركيز وكل حاجه صعبه حتى لو أسهل حاجه بالإهمال والتكاسل
،،،،
ملحوظة :
في سنة تانيه هتتشعبوا لعلمي وادبي فقط وهتدرسوا في
الشعبة العلمية كل (مواد الشعبتين العلمي علوم وعلمي رياضه ماعدا (الجيولوجيا والعلوم البيئية اللي بيدرسوها علمي علوم في ثالثه ) ولا (الرياضيات) بتوسعاتها اللي بيدرسها علمي رياضيات بنفس التوسع بتاع سنه ثالثه يعني هتدرسوا فقط تطبيقات رياضيه ورياضيات بحتة اللي هي (جبر وتفاضل وحساب مثلثات )
والشعبة الأدبية هتدرسوا مواد ادبي فقط لكن بالاضافه عليهم رياضيات بحته اللي هي ( جبر وتفاضل وحساب مثلثات)
ياريت محدش يختار لك ولا يقرر لك تختار ايه انت اللي هتذاكر وانت اللي هتمتحن وانت اللي راسم هدفك قصاد عنيك ذاكر واجتهد وربنا مش هيخيب رجائك ولا ظنك فيه ولا هيضيع تعبك إن شاء الله .
ربنا معاكم ويوفقكم وييسر لكم أموركم
شارك علشان غيرك يستفيد واعمل منشن لصحابك
،،،،
توضيح أخير مهم
علمي علوم يقدر يدخل حاسبات ومعلومات بشرط الحصول على مجموع في الفيزياء
وبعدين تقدر تدخل نفس اقسام علمي رياضه في سنه التخصص ولكن بعد دراسة مقرر تكميلي “رياضيات الثانوية العامة”، في أول عام دراسي بالجامعة لاستكمال المقررات الدراسية لتكون مؤهلًا جيدا لاستكمال الدراسة بمختلف الشعب بكليات الحاسبات، وحتى تكون متساويًا مع قدرات طلاب الشعبة الرياضية الملتحقين بذات الكلية، و لا يمكن للطالب الانتقال للعام الدراسي التالي دون النجاح واجتياز المقررات التكميلية.
قسم نظم المعلومات الحيوية
قسم علوم الحاسب
قسم نظم المعلومات
قسم نظم الحاسبات
قسم الحسابات العلمية
قسم نظم المعلومات الجغرافية
قسم تكنولوجيا المعلومات
قسم هندسة البرمجيات
م/ أماني الشريف
خالص أمنياتنا بالتوفيق لجميع الطلاب ان شاء الله في جميع المراحل الدراسية انتظرو كل ماهو جديد يخص أخبار وأدوات التعليم للمرحلة الثانوية على منصة كتاتيب مصر.
