بسم الله الرحمن الرحيم
في هذه المقالة على اكاديمية كتاتيب نقدم لطلاب الثانوية العامة شرح كامل لقوانين التحويل وتقليل الاغتراب وافضل طريقة للاستفادة منها
طلاب #الثانوية العامة ” التحويل وتقليل الأغتراب
الناس مش عارفه هتمشى ازاي وايه شروطها
ركز فى المقال ده كويس وان شاء الله هتلاقي فيه كل اللي انت عاوزه ان شاء الله
– هو أنا هعمل اى بعد تنسيق المرحلة الاولى يظهر ؟
لو أنت مش محتاج تقليل الأغتراب ولا التحويل فى حاجة هتنتظر لحد مالتقديم فى الكليات يفتح غالبا بعد نتيجة المرحلة باسبوع حسب كل جامعة تنزل معاد التقديم الورقى فى الكليات كل اللى مطالب منك تجهز ورق التقديم
– تقليل الأغتراب هيفتح أمتى ؟
هيفتح بعد مالمرحلة التانية للتنسيق تخلص هيبقى تقليل الاغتراب والتحويل للمرحلة الاولى والتانيه مع بعض أو ممكن يفتح قبل التانية حسب مالوزاره تقرر
– هو اللى الفرق بين تقليل الاغتراب والتحويل ؟
التقليل الاغتراب اسمه ( تحويل مناظر ) يعنى بتحول من كلية فى مكان بعيد لنفس الكليه فى محافظتك مثلا جالك مرحله اولى هندسه أسيوط وانت من المنصوره ساعتها هتعمل تقليل الاغتراب من أسيوط للمنصوره
– التحويل الغير مناظر بتحول من كلية لكليه تانيه ( داخل محافظتك ) بس شرط تكون جايب مجموعها
يعنى مثلا جالك تجاره وأنت مش حاببها تقدر تعمل تحويل من تجاره لاداب بس شرط تكون جايب مجموع أداب ( تجارة المنصوره >>>> اداب المنصوره ) وهذا الاختيار الصحيح
(تجارة المنصورة >>>> اداب القاهره ) وهذا خطأ
– هل ينفع أعمل تقليل الاغتراب وتحويل فى نفس الوقت ؟
مثلا طالب جايب اداب ومجموعة جايب اثار الفيوم وهو من القاهره
ينفع يعمل تحويل لاثار الفيوم ثم تقليل الاغتراب للقاهره . طبعا لا
للاسف لا الموقع مابسمحش لك اللى بعملية واحده اما تقليل الاغتراب او تحويل ( لازم عملية واحدة فقط )
تقليل الاغتراب بيقبل على أساس اى ؟
تقليل الاغتراب بيقبل زياده عن الكلية 10% بمعنى لو هندسه المنصوره بتقبل عدد طلاب 100 طالب وتقليل الاغتراب جابلها 10 طلاب كمان ( اللى هما 10% من 100 ) يبقى كدا 110 طالب طيب نفترض ان فى 20 طالب عاملين تقليل الاغتراب للكليه ساعتها الكليه هتقبل أعلى 10 فيهم من حيث المجموع
الخلاصه في الموضوع ده كل ماكان مجموعك قريب من تنسيق الكلية فرصتك كبيره فى التحويل
طيب لو انا عملت تقليل الاغتراب واترفض كدا هفضل فى أخر الدنيا ؟
هيبقى قدامك حلين الاول تحويل ورقى بين الجامعات ( ودا مش كل الجامعات بتقبله للاسف )
أو تقدر تقدم التماس طبى فى الوزاره مرفق معاه شهاده طبيه انك تعبان ومينفعش ليك سفر ودا برضوا انت ونصيبك
الحل التالت هتفضل سنه فى الكلية وبعدين تحول ( ودا اللي الغالبية بيعمله وهو اسهل الحلول )
خالص امنياتنا بالتوفيق لجميع الطلاب ان شاء الله
لو عندك اي استفسار سيبه في التعليقات وسيتم الرد عليك مباشرة ان شاء الله
