بسم الله الرحمن الرحيم
المستندات المطلوبة لإستلام التابلت للعام الدراسي 2022 – 2023
تنويه: المستندات المطلوبة لاستلام التابلت:
– إيصال دفع مبلغ تأمين التابلت ويدفع في مكتب البريد الأقرب لمحل سكنكم + عدد ٢ صورة منه
– صورة بطاقة ولي الأمر
– صورة شهادة ميلاد الطالب
– إقرار استلام التابلت والذي قمنا بإرفاقه بالبوست لطباعته وملء بياناته وتسليمه للمدرسة
أولى ثانوي بعد ما تدفعوا 105 جنية تأمين تابلت تاخدوا الايصال من البريد وتصوروه صورتين ولما المدرسه تقولك التابلت شرف في المدرسه تاخد الإيصال والصور وتقدموا معاه المستندات التاليه :
– صورة بطاقة ولي الأمر
– صورة شهادة ميلاد الطالب
_صورة إيصال مصروفات البريد 530 جنية اللي دفعتوها وانتم بتفتحوا الملف لأولى ثانوي ( أساس استلام التابلت تكون دافع المصروفات ) وبما انك طالب بالصف الأول الثانوي يعني دافع المصروفات وانت بتفتح الملف والمدرسة اللي بتستلم الملف بدون إيصال سداد المصروفات للصفوف الأولى ( كي جي1 و اولى ابتدائي واولى اعدادي واولى ثانوي ) تعتبر مخالفة زي ما المنشور المرفق بيوضحلنا
– إقرار استلام التابلت المرفق بالمنشور ( المدرسة بتسلمه لكم تمضوه وتملوه وتقدموه وترفقوه مع الورق )
بس خلاص ومحدش يشتري اسكرينه للتابلت نهائي حتى لو مين قالك اشتريها متصدقش … الاسكرينه بتقلل من كفاءة القلم على الشاشه اللي هو أصلا إمكانياته ضعيفه
واياك اياك اياك تعمل باسورد أو باترن على الجهاز علشان يقدر يستقبل التحديثات اللي بتنزل اول لما تستلمه أن شاء الله
وخلوا بالكم تأمين التابلت 105 جنية بيتم سداده سنويا طوال الثلاث سنوات للمرحلة الثانوية وبعد النجاح في 3 ثانوي إن شاء الله نقولك مبروك عليك التابلت هدية الرئيس للطالب بعد الثانوي
خالص أمنياتنا بالتوفيق لجميع الطلاب ان شاء الله في جميع المراحل الدراسية انتظرو كل ماهو جديد يخص أخبار وأدوات التعليم للمرحلة الثانوية على منصة كتاتيب مصر.
