بسم الله الرحمن الرحيم
أعلن الدكتور طارق شوقي وزير التربية والتعليم، والتعليم الفني في مؤتمر صحفي اليوم عن ضوابط وتعليمات مسابقة ٣٠ الف معلم 2022 ، ننقل لكم التفاصيل كاملة على موقع أكاديمية كتاتيب مصر تابعو معنا هذا المقال.
تفاصيل مؤتمر الإعلان عن شروط مسابقة 30 الف معلم 2022
شروط التعاقد مع المعلمين :
الاختيار سيكون طبقًا لمحل السكن ونفس المحافظات، وإقامة الخريج وفي نفس نطاق المحافظة المتقدم فيها بالمسابقة، مؤكّداً أنَّه لا يوجد نقل أو ندب بين الإدارات التعليمية أو المديريات، لافتاً إلى أنَّ الأولوية للقبول بالمسابقة ستكون للأكبر سنًا، والحاصلين على درجات علمية عليا «دكتوراه أو ماجستير».
مسابقة وزارة التربية والتعليم، تستهدف سد العجز في مرحلة رياض الأطفال والصفوف الثلاثة الأولى، خاصة مع تطبيق نظام التدريس الجديد والمناهج المتطورة، وسيتم التعاقد مع الخريجين للعمل كمعلم فصل، وليس معلم مادة.
الشروط اللي هيتم الإعلان عنها النهاردة لمسابقة تعيين 30 ألف معلم ضمن الـ 150 ألف معلم اللي هيتعينوا على 5 سنين، هتكون مختلفة عن أي شروط مسابقة اتعملت في تاريخ وزارة التربية والتعليم.. شروط في منتهى الصرامة.. مش أي حد هيعدي منها.. مش أي حد هيتم التعاقد معاه علشان يشتغل معلم.. شروط ومعايير خاصة جدا.. الدولة بتدور على ناس معينة تشتغل معلمين أجيال تتناسب مع متطلبات التعليم المعاصر.. تتناسب مع المناهج الجديدة.. تتناسب مع طرق التقييم الحديثة.. حتى بعد التعاقد مع الـ 30 ألف اللي هيختاروهم على الفرازة، بعد سنتين هيحصل لهم تقييم نفسي وسلوكي وتربوي وأكاديمي وده بطريقة مش هتكون لها علاقة بالتقارير المكتوبة ولا تقارير كله تمام.. لأ.. هيكون في معايير تانية خالص مفيهاش لا واسطة ولا تدخلات ولا محاباة ولا هيكون ليها علاقة برؤساء عمل.. ومش عايز أقول إن المسابقة دي بتتراقب من أعلى الجهات، ويكفي إن اللي أعلن عنها الرئيس السيسي شخصيا.. وقبل ما تفكر تدفع علشان تعدي، اسمع نصيحتي ومتدفعش لأنك لو مش مطابق لشروط ومعايير واختبارات المسابقة مش هتعدي وفلوسك هتروح عليك.. اللي سمعته وعرفته عن التفاصيل والمعايير والاختبارات المؤهلة لمراحل التعاقد والتثبيت، بتقول إن الـ 150 ألف معلم اللي هيدخلوا الحكومة خلال 5 سنين، هيكونوا من نخبة الخريجين علشان لما الدولة تقول تطوير تعليم، يكون عندها كوادر من معلمين مناسبين لكل مراحل التطوير، على مستوى المناهج والتدريس والتقييم والإدارة وتحمل المسؤولية مستقبلا.. وده مش معناه أبدا إن المعلمين الأفاضل الموجودين حاليا مقصرين، بالعكس، دول شالوا على أكتافهم أجيال وأجيال.. لكن اللي جاي مختلف تماما.. والشروط والمعايير هتكون في منتهى الصرامة.
الصحفي الأستاذ / أحمد حافظ
خالص أمنياتنا بالتوفيق لجميع المتقدمين للمسابقة ان شاء الله وانتظرو كل ماهو جديد يخص أخبار وأدوات التعليم على منصة كتاتيب مصر.
