بسم الله الرحمن الرحيم
السلام عليكم ورحمه الله وبركاته وبعد
يجتمع غدا وزير التربية والتعليم ، والتعليم الفني الاستاذ محمد عبد اللطيف بخصوص تقديم مقترح بتقليل مواد الثانوية العامة ودمج بعضها ، ننقل لكم التفاصيل كاملة على موقع أكاديمية كتاتيب مصر تابعو معنا هذا المقال..
عاجل و حصريا .. وزير التعليم يقرر تخفيض مواد الثانوية العامة ودمج بعضها
اخبار وزارة التربية والتعليم
🔴 أنباء متداولة عن قرارات اجتماع الغد الخاص بنظام الثانوية العامة الجديد:
– دمج التاريخ والجغرافيا في مادة واحدة بمجموع نهائي ٦٠ درجة ، ٣٠ درجة لكل فرع.
– دمج ٥ فروع رياضة ٢ لطلاب علمي رياضة في فرعين تحت مسمى ” البحتة والتطبيقية” وتخفيف مناهجهم، بمجموع ٦٠ درجة بدلا من ١٢٠ درجة .
– إضافة فرع جديد في اللغة العربية تشمل ثقافة وحضارة العصر الحديث، وزيادة درجته النهائية إلى ١٠٠ درجة بدلا من ٨٠ درجة.
– الاكتفاء بدراسة الكيمياء العضوية فقط في الصف الثالث الثانوي بمجموع ٦٠ درجة، وزيادة مساحة دراسة مادة
الكيمياء العامة خلال الصفين الأول والثاني الثانوي .
– دمج الأربعة أفرع ” الفلسفة، المنطق، علم النفس ، علم الاجتماع ” في فرعين فقط، ٣٠ درجة لكل منهما بدرجة نهائية ٦٠ درجة
– دمج مادتي الأحياء والجيولوجيا في مادة واحدة بفرعين ، بدرجة نهائية ٦٠ درجة ، ٣٠ درجة لكل منهما.
– عدم المساس بمادة اللغة الإنجليزية .
– تخفيف مناهج ” بحذف فصول” في مواد اللغة الأجنبية الثانية.
– حذف أجزاء نظرية من مادة الفيزياء وتخفيف فصل كامل من الجزء العلمي للمادة
ـ احتساب نتيجة الحاصل على الثانوية العامة على أساس دراسته للثلاث سنوات ” أولى وتانية وتالتة ، وليست السنة الثالثة فقط.
عاجل وهام جدا
= وزير التعليم يعلن غدا خفض عدد المواد في الثانوية العامة.
= وزير التعليم سيعلن خفض عدد المواد بعد موافقة المجلس الأعلى للتعليم قبل الجامعي.
= الإعلان عن خفض مواد قد يكون في صورة إلغاء ودمج مواد مع بعضها.
= الإعلان عن ذلك سيكون في حضور رئيس مجلس الوزراء.
= الحكومة ترفض أن يستمر عدد المواد الإجبارية في الثانوية العامة لأكثر من ٣٠ مادة في الصفوف المختلفة.
= نصيحة محدش يبدأ دروس خصوصية في الثانوية العامة خالص لحد الرؤية النهائية ما تظهر.
= الكلام عن أولى وتانية وتالتة ثانوي عام.
= إن شاء الله دي تكون بداية الخلاص من بعبع الثانوية العامة.
تفاصيل هامة عن نظام الثانوية العامة الجديد 2025
= مؤتمر وزير التعليم بكرة هيكون فيه إعلان عن تقليل عدد مواد الثانوية العامة، وللصفوف الثلاثة.. القول الفصل بكرة، فيما سيُلغى من مواد، أو فروع، أو تحويل مواد من مضافة للمجموع إلى خارج المجموع.. والتطبيق محتمل وبقوة إنه يكون مع بداية العام الدراسي المقبل (الجديد).
= لن يتم تطبيق نظام الثانوية التراكمية في الامتحانات ولا تقسيم مجموع الطالب على الثلاث سنوات.. ونظام الامتحانات في الثانوية الجديدة سيكون بأكثر من محاولة للامتحان.
= بمعنى: هتدخل الامتحان ولما تظهر النتيجة لو مش عجباك هتدخل محاولة تانية، وتدخل الجامعة بالمجموع الأعلى في المحاولتين، أو ربما الثلاث محاولات.. انت حر.
= الامتحانات مش هتكون من فرصة واحدة زي اللي مطبق حاليا.. لأ.. الطالب هيكون قدامه أكتر من فرصة يعوّض لو وقع في أي مادة أو بعض أو حتى كل المواد.
= النظام ده في الامتحانات هيطبق – بحد أقصى بعد سنتين- يعني في تقديري الشخصي هيطبق على أول دفعة هتدخل أولى ثانوي.. والنظام ده الدولة موافقة عليه لأنه بيلغي بعبع الفرصة الواحدة.. لكن نظام الثانوية التراكمية مرفوض من قبل في مجلس النواب ولا نية لعودة مناقشته.
= أيا ما كان مؤتمر بكرة بتفاصيله اللي لسه غايبة.. هي نقطة مهمة وبداية محترمة لرفع العبء عن الأهالي والطلبة سواء بدمج أو تخفيف مواد المهم بدون ما تأثر على مستوى الطلبة.. ولما يكون عندك عدد محدود من المواد ومناهج مخففة وكتب مش كبيرة بدون داعي.. ولما يكون عندك امتحانات من فرص متعددة مش من فرصة واحدة ويكون من حق الطالب يعوّض.. دي بداية النهاية لبعبع الثانوية العامة حرفيا.. المهم والأهم: إلغاء البابل شيت والتصحيح الإلكتروني نهائيًا
= اللي هيحصل في الثانوية العامة تفاصيله وما بعدها من شرح أكبر من مجرد دمج أو إلغاء مواد.. اصبروا علشان تاخدوا معلومات صح علشان فيه معلومات كتير وتفاصيل أكتر.. تفاءلوا بالخير تجدوه.
المصدر الأستاذ الصحفي/ أحمد حافظ
عاجل| المواد إللي هتتحذف من الثانوية العامة في العام الجديد
من البداية للنهاية.. القصة الكاملة لتعديل نتيجة الثانوية العامة 2024
= وقت الوزير السابق الدكتور رضا حجازي حصل مشكلة في امتحان الفيزياء الكل يعرفها لما كان فيه ٣ أسئلة غلط وسؤالين ليهم إجابتين.. فاتحول الموضوع للتحقيق واتشكل لجنة (محايدة) علشان تشوف حل للأزمة غير اللجنة اللي وضعت الامتحان ووضعت نموذج الإجابة.
= وقتها طبعا اللجنة التانية قررت إن الطلبة تستحق درجات الأسئلة الغلط للطلاب وقررت إن فيه سؤالين ليهم إجابتين.. ووقتها اتحولت اللجنة اللي وضعت الأسئلة ووضعت نموذج الإجابة للتحقيق.
= اللجنة اللي جابت حق الطلبة في امتحان الفيزياء عملت نموذج إجابة شامل الامتحان.. وقالوا ده النموذج النهائي لتصحيح الأسئلة.. ودورها انتهى عند كدة.
= وقت التصحيح بقى طبعا كان فيه نموذجين إجابة.. واحد بتاع اللجنة الأولى وواحد بتاع اللجنة التانية.. وعلى ما يبدو إن اللي دخل إجابة السؤال رقم ٣٤ في الفيزياء على سيستم التصحيح الإلكتروني دخل إن إجابة السؤال ده (ج) مع إن الإجابة الصح هي (ب).. طب ده حصل ازاي واللجنة التانية قالت في تقريرها إن إجابة السؤال ده هي (ب).. الله أعلم.. كدة معانا لجنتين، واحدة حطت الامتحان ونموذج الإجابة وكانت عاملة كوارث واتحولت للتحقيق والتانية هي اللي راجعت على الأولى وكشفت كوارثها.
= هنا السؤال رقم ٣٤ اتصحح بإجابة غلط وهي (ج) مع إن الإجابة الصح هي (ب).. وده من وقت الوزير السابق دكتور رضا حجازي.. وبكدة اللي كان مختار الإجابة الصح (ب) ما أخدش الدرجتين بتوع السؤال واللي جاوب غلط واختار (ج) هو اللي أخد الدرجتين بتوع السؤال.
= طبعا الدنيا تمام ومحدش اكتشف حاجة لحد هنا والتصحيح خلص والنتيجة طلعت والتنسيق فتح وهوب ياللا ننشر نماذج الأسئلة والإجابات وهنا ظهرت الكارثة.
= اتفتح تحقيق وورق الطلبة اتراجع على السيستم ووصلوا للطلبة اللي اختاروا الإجابة الصح وكانت محسوبة لهم غلط.. وكل اللي شارك في المهزلة دي في عهد الوزير السابق هيشيل شيلة وحشة.. لأن المهزلة كلها حصلت وقت التصحيح الخاص بالفيزياء وده كان وقت الوزارة الماضية، وطبعا لما جه وزير جديد برئيس امتحانات ثانوية عامة جديد، في وسط الامتحانات مرجعوش للقديم وكملوا باقي المواد لحد ما اكتشفوا المهزلة دي بعد النتيجة وهنا كان التحرك.
= وكان القرار النهاردة بزيادة مجموع الطلاب اللي اختاروا الإجابة (ب) درجتين بسبب السؤال رقم ٣٤ في امتحان الفيزياء لأن الوزارة صححت الامتحان بإجابة غلط للسؤال ده وهي الإجابة رقم (ج) مع إن الإجابة الصح هي (ب).
= مفيش أي زيادة في الدرجات لأي طالب اختار إجابة أخرى لنفس السؤال.
= سيتم تعديل نتيجة الثانوية العامة ونشرها على موقع الوزارة اليوم بالدرجات الجديدة للطلاب المستحقين.
= سيتم تعديل قائمة أوائل الثانوية العامة بعد إضافة درجتين للطلاب المستحقين.
= سيتم تعديل شهادات النجاح للطلاب المستحقين وإرسالها للمدارس.. وياريت كل طالب يدخل يشوف نتيجته بعد ما تتنشر تاني على موقع الوزارة علشان يعرف آخر تحديث لمجموعه.
= تم إخطار مكتب تنسيق الجامعات ببيانات الطلاب المستحقين لإضافة الدرجتين على مجاميعهم.
دي قصة تعديل نتيجة الثانوية العامة لأول مرة في تاريخها
لمزيد من المعلومات والتفاصيل نرجو منكم متابعتنا على صفحتنا على فيسبوك من الرابط التالي
https://www.facebook.com/ktateb
خالص تمنياتنا لكم بالتوفيق لجميع الإخوة الزملاء المعلمين والمعلمات وابنائنا الطلاب والطالبات في جميع المراحل التعليمية وانتظروا المزيد من اخبار وأدوات التعليم والملازم والمراجعات على موقع أكاديمية كتاتيب مصر تابعو معنا.
