بسم الله الرحمن الرحيم
السلام عليكم ورحمه الله وبركاته
نقدم لكل طلبة وطالبات الثانوية العامة والأزهرية ، افضل النصائح للمذاكرة بشكل فعال من افضل المدرسين وأطباء علم النفس الاجتماعي ، ننقل لكم التفاصيل كاملة على موقع أكاديمية كتاتيب مصر تابعو معنا هذا المقال..
تحميل اهم النصائح لفترة الاختبارات لطلاب الثانوية العامة والأزهرية
تحميل مذكرات مراجعة مواد الثانوية العامة والأزهرية
ركزوا في الكلام ده..هام جدا جدا
– الايام الجايه دي اسمها ” أيام حصد الدرجات ” , اللى ناقصه حاجه هيقدر يلمها ويراجع مرا واتنين وثلاثه , واللى لسا مفتحش المنهج خالص يقدر يذاكر المنهج كله ويلمه مرة واتنين ويراجع ويجيب مجموع .. سيبك من اللى فات وحط فى دماغك ان الفترة دي هي الأساس وبس يعنى لسة الامل ماضاعش أعرف ناس كانت بتذاكر كانت مقضياها لعب ومذاكرة خفيفة ومجهود بسيط وجم ف اخر شهر وأنعزلوا لوحدهم وبدأوا يدحوا ويذاكروا بكل مجهودهم وماشاء الله عليهم جابوا مجاميع عالية
– مش مُهم تعمل جدول او تذاكر عشوائى المُهم تدح الفترة دي وكل يوم بليل تبص لنفسك وتشوف انت قدرت تنجز قد ايه فِ اليوم ده , حفظت كام كلمه انجلش , خلصت كام chapter فِ القصة , حليت على باب ايه وايه فى التاريخ او الفلسفه او الجغرافيا او الكيمياء او الفيزياء.. لو استغليتهم صح هتفلح لأن والله الفتره دى ماعايزة طالب ذكى عايزة واحد بيعرف يُقعد على المكتب اكتر من 8 ساعات فِ اليوم حتى لو مش متواصلين المهم انه يذاكر كويس – فوق لنفسك كدا , فاضل على حلمك فترة صغيره و بأيدك تحققه ماتخليش الظروف تكسرك مهما كانت ايه أنت تقدر والله محدش أحسن منك , امشى على الخطوات دى مع مجهودك وتوفيق ربنا ليك وان شاء الله هتوصل .
1 – قلل من النت و السوشيال ميديا , ماتمنعهوش لانك مش هتعرف تمنعه ساعه فِ اليوم تفتح فيها النت مش هتضر المهم افتكر ان فِ الوقت اللى انت فاتح فيه الفيس وقاعد بترغى مع ناس مش هتفيدك بحاجة الفتره دى , غيرك قافل على نفسه وقاعد بيذاكر وبيلم المنهج من اوله لاخره
2 – سـد ودانك للناس , عشان نفسيتك ترتاح لأنك هتسمع كمية اشاعات رهيبة الفترة دى عن ان الامتحانات هتيجى صعبة وكل واحد محبط هيحاول يحبطك معاه
3 – قرب من ربنا كتير , مش عيب انك تبدأ تصليله دلوقتى صدقنى انت اللى محتاجه مش هو , مستقبلك وطموحك بين ايديه ويابخت اللى ربنا موفقه
4 – قلل من الخُروجات وماتذاكرش مع صحابك , مش هتعرفوا تذاكروا مع بعض وهتتلهوا , أقفل على نفسك وذاكر لوحدك محدش هينفعك .
5 – قلل الكافين وظبط نومك , فنجان قهوة واحد يكفى مش كل شويه تفضل تشرب عشان متتوترش ,ومهما حصل أوعي تفقدوا الأمل وتياسوا اسعوا ورا حلمكم واعملوا اللي عليكم وسيبوا الباقي ع ربنا
واللي عنده مشكله ف اي ماده او تايهه و محتاج طريقه كويسه للمذاكرة يعرفنا في التعليقا
لمزيد من المعلومات والتفاصيل نرجو منكم متابعتنا على صفحتنا على فيسبوك من الرابط التالي
https://www.facebook.com/ktateb
خالص تمنياتنا لكم بالتوفيق لجميع الإخوة الزملاء المعلمين والمعلمات وابنائنا الطلاب والطالبات في جميع المراحل التعليمية وانتظروا المزيد من اخبار وأدوات التعليم والملازم والمراجعات على موقع أكاديمية كتاتيب مصر تابعونا.
