بسم الله الرحمن الرحيم
التعليم العالي تعلن نتائج قبول الطلاب الحاصلين على الثانوية العامة بالجامعات والمعاهد بالمرحلة الثانية عام 2023
بدأ تسجيل رغبات الطلاب الحاصلين على الثانوية العامة بالمرحلة الثانية من خلال موقع التنسيق الالكتروني علي شبكة الإنترنت في الفترة من يوم الثلاثاء الموافق 15/8/2023 ولمدة ستة أيام انتهت يوم الأحد الموافق 20/8/2023.
حالات الاستنفاذ
• استنفذ عدد ( 14972) طالبًا وطالبة رغباتهم من طلاب الشعب العلمية والأدبية وذلك لتضمينهم رغبات لكليات لا تتناسب مع مجموع درجاتهم وسيتم إتاحة الفرصة لإبداء رغبات جديدة.
إجراءات العمل بالمرحلة الثانية:
قد تم العمل في هذه المرحلة وفقا لما يلي :-
• التزم المكتب عند الترشيح برغبات الطلاب المسجلة علي الموقع وفقاً لآخر تسجيل قام به الطلاب وفي حدود القواعد والشروط.
• بإعلان نتيجة هذه المرحلة يكون مكتب التنسيق الإلكتروني قد أتم توزيع عدد (453949) طالبً في المرحلتين الأولى والثانية خلال أسبوعين فقط من بدء العمل .
• يمكن للطالب طباعة بطاقة الترشيح من الموقع بعد اعلان نتيجة مرحلة تقليل الاغتراب لطلاب المرحلتين الأولي والثانية .
• سوف يتم ارسال كشوف الترشيحات النهائية للكليات بعد اعلان نتيجة مرحلة تقليل الاغتراب لطلاب المرحلتين الأولي والثانية.
مرحلة تقليل الاغتراب (التحويلات)
أولاً: التحويل بين الكليات الجامعية
• تيسيرًا على أبنائنا الطلاب سيتم فتح مرحلة تقليل الاغتراب (التحويلات) من خلال موقع التنسيق الالكتروني: www.tansik.digital.gov.eg أمام الطلاب المرشحين في المرحلتين الأولى والثانية لإجراء التحويلات لتقليل الاغتراب المناظر وغير المناظر وفى حدود النسبة المقررة (10%) وذلك خلال الفترة من يوم الخميس الموافق 24/8/2023 حتى يوم الاثنين الموافق 28/8/2023 وذلك عن طريق موقع التنسيق الإلكتروني على شبكة الإنترنت ووفقًا للشروط والقواعد المنظمة والصادرة من المجلس الأعلى للجامعات بهذا الشأن والمتضمنة الآتي:
• التحويل المناظر يكون في حدود الحد الأدنى للقطاع.
• التحويل غير المناظر باستيفاء الحد الأدنى للكلية المراد التحويل إليها.
• الالتزام بقواعد التوزيع الجغرافي.
• التحويل عن طريق موقع التنسيق الالكتروني فقط.
• لا توجد تحويلات ورقية.
• التحويل يكون لمرة واحدة فقط.
• استيفاء الشروط الإضافية للكلية المراد التحويل إليها (مثل اجتياز اختبار القدرات التي أُجريت قبل ظهور نتيجة الثانوية العامة).
• تكون المفاضلة بين الطلاب على اساس مجموع درجات الطالب في شهادة الثانوية العامة.
ثانياً: التحويلات بين المعاهد العالية الخاصة والمتوسطة.
• يسمح للطالب الذي تم ترشيحه في عملية التنسيق إلي إحدى المعاهد العالية الخاصة أو المتوسطة بالتقدم للتحويل إلى معهد أخر في ذات التخصص أو تخصص أخر غير مناظر بشرط استيفاء الطالب للحد الأدنى المعلن للمعهد المراد التحويل إليه وفي ضوء النسبة المقررة والطاقة الاستيعابية وبأسبقية المجموع .
مع أطيب تمنياتنا بالتوفيق والنجاح،،،
وزير التعليم العالي والبحث العلمي
( أ.د/محمد أيمن عاشور)
طريقة عمل الاغتراب بشكل صحيح لطلاب الثانوية العامة المتقدمين بالجامعات للعام الدراسي 2023 – 2024
إزاي تنقل من كلية بعيدة لمحافظتك
” التحويل و تقليل الأغتراب
الناس مش عارفه هتمشى ازاى
ركز فى الكلام دا وهتلاقى الدنيا اترتبت معاك
– تقليل الأغتراب هيفتح أمتى ؟
هيفتح بعد مالمرحلة التانية للتنسيق تخلص هيبقى تقليل الاغتراب والتحويل للمرحلة الاولى والتانيه مع بعض أو ممكن يفتح قبل التانية حسب مالوزاره تقرر
– هو اللى الفرق بين تقليل الاغتراب والتحويل ؟
التقليل الاغتراب اسمه ( تحويل مناظر ) يعنى بتحول من كلية فى مكان بعيد لنفس الكليه فى محافظتك مثلا جالك مرحله اولى هندسه أسيوط وانت من المنصوره ساعتها هتعمل تقليل الاغتراب من أسيوط للمنصوره
– التحويل الغير مناظر بتحول من كلية لكليه تانيه ( داخل محافظتك ) بس شرط تكون جايب مجموعها
يعنى مثلا جالك تجاره وأنت مش حاببها تقدر تعمل تحويل من تجاره لاداب بس شرط تكون جايب مجموع أداب ( تجارة المنصوره >>>> اداب المنصوره ) ✅
(تجارة المنصورة >>>> اداب القاهره ) ❌
هو أنا ينفع أعمل تقليل الاغتراب وتحويل فى نفس الوقت ؟
مثلا طالب جايب اداب ومجموعة جايب اثار الفيوم وهو من القاهره
ينفع يعمل تحويل لاثار الفيوم ثم تقليل الاغتراب للقاهره
للاسف لا الموقع مابسمحش لك اللى بعملية واحده اما تقليل الاغتراب او تحويل ( عملية واحدة فقط )
تقليل الاغتراب بيقبل على أساس اى ؟
تقليل الاغتراب بيقبل زياده عن الكلية 10% بمعنى لو هندسه المنصوره بتقبل عدد طلاب 100 طالب وتقليل الاغتراب جابلها 10 طلاب كمان ( اللى هما 10% من 100 ) يبقى كدا 110 طالب طيب نفترض ان فى 20 طالب عاملين تقليل الاغتراب للكليه ساعتها الكليه هتقبل أعلى 10 فيهم من حيث المجموع
الخلاصه كل مامجموعك قريب من تنسيق الكلية فرصتك كبيره فى التحويل
طيب لو انا عملت تقليل الاغتراب واترفص كدا هفضل فى أخر الدنيا ؟
هيبقى قدامك حلين الاول تحويل ورقى بين الجامعات ( ودا مش كل الجامعات بتقبله للاسف 🙁 )
أو هتقدم التمس طبى فى الوزاره مرفق معاه شهاده طبيه انك تعبان ومينفعش ليك سفر ودا برضوا انت وحظك
الحل التالت هتفضل سنه فى الكلية وبعدين تحول ( ودا سهل شويه )
تابع المقال القادم هنوضح الخطوات كامله .
بالتوفيق للجميع
خالص أمنياتنا بالتوفيق لجميع الطلاب ان شاء الله في جميع المراحل الدراسية انتظرو كل ماهو جديد يخص أخبار وأدوات التعليم العالي والبحث العلمي على منصة كتاتيب مصر.
