بسم الله الرحمن الرحيم
تحميل جميع الجامعات الخاصة المعتمدة في مصر للعام الدراسي 2023 – 2024
هام | جميع الجامعات الخاصة المعتمدة للعام ٢٠٢٣
ناس كتير بتسألنا عن الجامعات في مصر و اذا كانت معتمدة بالخارج ولا لأ.
قبل ما نجاوب على السؤال دا محتاجين نفهم الاول ايه هو الاعتماد.
الاعتماد هو نوع من ضمان الجودة لمراكز التعليم الجامعي و بيتم تحت اشراف لجنة متخصصة. اللجنة دي يا اما تتبع الحكومة او لجنة خاصة مستقلة.
اللجنة دي بتتابع الجامعة و تتأكد من انها بتلتزم بالمواصفات المضبوطة لضمان جودة التعليم و لو الجامعة وفت بالمواصفات دي تحصل على الاعتماد.
يوجد في مصر هيئتين للاعتماد: الاولى هي وزارة التعليم العالي و التانية هي الهيئة القومية لضمان جودة التعليم و الاعتماد.
بالنسبة لاعتماد وزارة التعليم العالي دا بيبقى لكل الجامعات الحكومية و تقريبا كل الجامعات الخاصة. و دا لينك للجامعات الخاصة المعترف بيها من وزارة التعليم العالي
http://www.egy-mhe.gov.eg/private-universities
تاني حاجة الهيئة القومية لضمان جودة التعليم و الاعتماد. و دي مواصفاتها بتكون صعبة شوية و مش كل الجامعات واخداها. في الحقيقة الجامعة الوحيدة اللي حصلت على اعتمادها هي الجامعة الامريكية في القاهرة. الباقي فقط بعض الكليات هي اللي حصلت على الجودة.
لينك الكليات الحاصلة على الجودة
http://naqaae.eg/?page_id=972
نيجي بقى للجزء المهم. هل الجامعات المصرية معتمدة في الخارج؟؟
عشان تبقى جامعة معتمدة في الخارج لازم تحصل على اعتماد دولي. الاعتماد الدولي دا ممكن يكون لتخصصات معينة. زي مثلا اعتماد خاص بالهندسة او الطب و هكذا
او بيكون اعتماد دولي كامل للجامعة. في معظم الدول الهيئات دي تتبع الحكومة لكن في امريكا بتكون هيئات خاصة و مستقلة و عددهم كبير جدا و هم دول غالبا اللي بيعتمدوا الجامعات و الكليات في دول العالم.
لينك الهيئات المعتمدة اللي بتدي الاعتماد للجامعات و الكليات في العالم
https://en.wikipedia.org/wiki/List_of_recognized_higher_education_accreditation_organizations
طبعا في هيئات تانية كتير بتدي اعتماد لكن الهيئات دي نفسها غير معتمدة.
و للأسف الهيئة القومية لضمان جودة التعليم و الاعتماد مش من الهيئات المعتمدة و تقريبا برضه الجامعة الوحيدة اللي معتمدة اعتماد دولي هي الجامعة الأمريكية.
طيب بالنسبة للخريجين من باقي الجامعات ايه وضعهم؟
لو هنتكلم على دول الخليج فدول سهل جدا العمل فيهم او استكمال الدراسة و الشهادات المصرية بتكون كافية لكده
بالنسبة للدول الأوروبية و أمريكا للأسف مش زي دول الخليج. يعني مثلا خريجي الطب و الحقوق في مصر هيحتاجوا يعملوا معادلة لشهاداتهم و ممكن يعيدوا دراسة من أول و جديد. و ممكن برضه نفس الحكاية لبعض الوظائف الأخرى. او ممكن يطلبوا اجتياز امتحان معين مثلا عشان تبقى الشهادة مساوية لشهاداتهم.
دا كل اللي قدرنا نجمعه عن الاعتماد و الجودة و نتمنى انه يكون جاوب على معظم الأسئلة اللي عندكوا. و للي حابب يقرا في الموضوع اكتر ممكن يشوف اللينكات دي
https://en.wikipedia.org/wiki/Higher_education_accreditation
http://www.chea.org/intdb/international_directory.asp
http://dev.accreditation.org/accbodies.php?page=Egypt
http://ope.ed.gov/accreditation/
أخيرا الموقع دا هتلاقوا عليه تقريبا كل المعلومات عن كل الجامعات في العالم زي ترتيبها و اعتمادها و معلومات تانية كتير
http://www.4icu.org/
خالص أمنياتنا بالتوفيق لجميع الطلاب ان شاء الله في جميع المراحل الدراسية انتظرو كل ماهو جديد يخص أخبار وأدوات التعليم على منصة كتاتيب مصر
