بسم الله الرحمن الرحيم
نصائح للتفوق في امتحان اللغة العربية للثانوية العامة
النصيحة الأولى وخاصة بطريقة حل الامتحان وزمنه:
_________________________
ابدأ بالتعبير هياخد معاك ربع ساعة
ثم ادخل على الأدب هياخد معاك ١٠ دقائق لو فيه أدب نثري
ثم ادخل على النحو هياخد منك نصف ساعة بالكتير
ثم النصوص ساعة .. نصف ساعة لكل نص
ثم القراءة ٤٠ دقيقة .. ثلث ساعة لكل قطعة
حل الامتحان كله كدة مش هياخد معاك أكتر من ساعتين أو ساعتين ونص بالكتير إن شاء الله … هات امتحانات واقعد ودرب نفسك إنك تحله في ساعتين أو ساعتين ونص بالكتير اوي اوي …..
كدة هيتفضل معاك نص ساعة … هتضيع في توزيع الورق ولم الورق والكلام وكدة والإمضاءات ولتسجيل الحل ومراجعة الحل …. ويبقى أنت كدة استغليت ال ٣ ساعات صح …
النصيحة الثانية وخاصة بورقة الإجابة:
__________________________
وأنت بتعلم على الدوائر … راجع ثم راجع ثم راجع إنك علمت على الدائرة اللي أنت عاوز تعلم عليها فعلا … لأنك ممكن مع التوتر أو الكلام في اللجنة عينك أو ايدك تخونك …. فالنصيحة هنا إنك تراجع ثم تراجع ثم تراجع وتتأكد وضعك الإجابة في الدائرة المظبوطة..
واوعى تنسى انك في ورقة الإجابة تكتب الكود اللي على ورقة الأسئلة….
م/ عبد الله الجبالي
خالص أمنياتنا بالتوفيق لجميع الطلاب ان شاء الله في جميع المراحل الدراسية انتظرو كل ماهو جديد يخص أخبار وأدوات التعليم للمرحلة الثانوية على منصة كتاتيب مصر.
