بسم الله الرحمن الرحيم
كل ما يهم طلاب الثانوية العامة 2023 بخصوص المواد الغير مضافه للمجموع
كل ما يهم طلاب الثانوية العامة 2023 بخصوص المواد الغير مضافه للمجموع .
1️⃣ كل المواد الغير مضافه مش هتستلم فيها كتاب المفاهيم ما عدا الإحصاء القوانين الي هتحتاجها هتلاقيها موجوده في ورقه الأسئلة فأنت مش محتاج تحفظ القوانين بس محتاج تحفظ سوره لقمان والجزء المقرر عليك في سوره النور لأنها هيجيلك أكمل الآيات في شكل اختيار من متعدد فلازم تكون حافظهم
↩️ السور المقررة علي طلاب الثانوية العامة في مادة التربية الدينية
سورة لـقمان حفظ من الآية ١ لـ الآية ٣٤ يعني كاملة أما التفسير من ١ لـ ١٩
سورة النور حفظ وتفسير من الآية ١١ لـ الآية ٢٦
____
2️⃣ المواد خارج المجموع هي مواد نجاح ورسوب يعني وارد جدا ترسب فيها لو محلتش فيها .
وده تصحيح الكتروني يعني محدش هيرفعك فيها لو منجحتش وشفنا السنه الي فاتت طلبه كتير دخلت دور تاني في المواد الغير مضافه
3️⃣ خلي بالك
الاقتصاد والاحصاء ماده واحده
الاقتصاد عليه 25 درجه والاحصاء 25 درجه
عشان تنجح في الماده لازم تجيب 25 فيها كلها علي بعض
طيب لو جبت 25 في الاقتصاد و صفر في الاحصاء فانت كده ناجح والعكس صحيح
ولو جبت 12 في الإحصاء و 13 في الاقتصاد فمجموعك 25 يعني ناجح برضوا
في النهاية لازم يكون مجموع المادتين 25 درجه.
4️⃣ فاضل ساعات قليله علي امتحانات المواد الغير مضافه فمن رأيي متذاكرش عربي اليومين دول وتذاكر المواد الغير مضافه عشان تضمن تنجح فيها
خالص أمنياتنا بالتوفيق لجميع الطلاب ان شاء الله في جميع المراحل الدراسية انتظرو كل ماهو جديد يخص أخبار وأدوات التعليم للمرحلة الثانوية على منصة كتاتيب مصر.
