بسم الله الرحمن الرحيم
في واقعة مخجلة في محافظة الجيزة تم تأكد تسريب امتحان الجبر وبعض المواد الأخرى في امتحانات الشهادة الاعدادية الترم الثاني 2022 ، ننقل لكم التفاصيل كاملة على موقع اكاديمية كتاتيب مصر تابعو معنا هذا المقال.
تسريب امتحانات الشهادة الاعدادية 2022 لمحافظة الجيزة
علق أشرف سلومة، مدير مديرية التربية والتعليم والتعليم الفني في محافظة الجيزة، على تسريب امتحان مادة الجبر لطلاب الصف الثالث الإعدادي اليوم، قائلا: «حدث خطأ من أحد المراكز الفرعية لإحدى الإدارات، وتم فتح المظروف قبل الموعد المحدد، ما تسبب في ظهور صورة على التواصل الاجتماعي».
إجراء عاجل من التعليم بعد تسريب «جبر الإعدادية»
وأضاف «سلومة» في تصريحات صحفية منذ قليل، أنّه جرى اتخاذ عدة إجراءات، ومنها فحص عينة عشوائية لبيان مدى الإخلال بمبدأ تكافؤ الفرص نتيجة الخطأ، وإحالة الموضوع إلى الشؤون القانونية لإعمال شؤونها، لتجاوز التعليمات المستديمة الخاصة بأعمال الامتحانات، على أن تتخذ قرارات حازمة فور فحص الموضوع.
تسريب الامتحانات
وتداول عدد من رواد مواقع التواصل الاجتماعي، صورًا قيل إنّها لامتحان مادة الجبر لطلاب الصف الثالث الإعدادي في محافظة الجيزة، والذي يعقد اليوم ورقيًا في المدارس في لجان مؤمنة جيدًا ومراعية للإجراءات الوقائية المشددة ضد كورونا، كتعقيم وتطهير جميع اللجان الامتحانية، وجاءت الصور المتداولة عقب انطلاق الامتحان بوقت قليل.
تعليق الخبير احمد حافظ
مهزلة تعليمية بامتياز عن تسريب امتحان شهادة الإعدادية بالجيزة:
= النهاردة تم تسريب امتحان مادة الجبر في محافظة الجيزة، قبل معاده – على الأقل- بساعتين، ولما بقول تسريب يعني الامتحان خرج قبل معاده الرسمي للطلبة.. فكان الامتحان على الفيسبوك وتليجرام وواتس آب، ومش عايز أقول كان بيتباع في مكتبات قدام مدارس.
= الإجراء الوحيد هنا، إن الامتحان يتأجل ساعة على الأقل ويتم طباعة الامتحان البديل
ويتلغي الامتحان اللي اتسرب، أو إن الامتحان بتاع الجبر يتأجل ليوم تاني، واللي عمل الجريمة دي يتحاسب ويتحاكم ويكون عِبرة بنص قانون مكافحة الإخلال بالامتحانات.
= طب فين المهزلة التعليمية؟.. المهزلة إن مديرية التربية والتعليم في الجيزة تمسكت بعقد الامتحان اللي اتسرب في نفس معاده، وبنفس أسئلة الامتحان، اللي معظم الطلبة معاها إجابتها أصلا من قبل الامتحان ما يبدأ بساعتين، ودي في نظري “مشاركة صريحة في تسريب الامتحان”، وخطأ يتحاسب عليه كل مسؤول وافق على المهزلة دي ومتدخلش إنه يوقفها ويلغي أو يعيد الامتحان.
= مش مقبول في شهادة إعدادية (شهادة عامة)، يتعمل امتحان متسرب قبل معاده بوقت كبير، وطلبة تاخد الدرجة الكاملة وطلبة تحس بقهر، وفي الآخر يتساوي الكل، اللي غش واللي اجتهد، علشان كده بقول اللي حصل في الشهادة الإعدادية ده مهزلة.
= الحل حضرتك، إن الامتحان ده يتعاد تاني، ومن حق المحافظ يعيده تاني، حتى لو خلص والطلبة روحت بيوتها، ويتعمل معاد تاني بأسئلة تانية، طالما ناس كان معاها الامتحان بإجاباته النموذجية وناس وهيتاخد حقها في شهادة عامة.. يا تعملوا كده يا تبقوا شركاء في المهزلة.
الصحفي أ/ أحمد حافظ
خالص أمنياتنا بالتوفيق لجميع الطلاب ان شاء الله في جميع المراحل الدراسية انتظرو كل ماهو جديد يخص أخبار وأدوات التعليم للشهادة الاعدادية العام والأزهرية على منصة كتاتيب مصر.
