بسم الله الرحمن الرحيم
أعلنت وزارة التربية والتعليم عن ضوابط وتعليمات إعلان نتيجة الصف الرابع الابتدائي نظام جديد دفعة 2022 ، ننقلها لكم على موقع أكاديمية كتاتيب مصر تابعو معنا هذا المقال.
التعليم: نتيجة رابعة ابتدائي ستعلن بالألوان وليس الدرجات
السلام عليكم ..كنت عايزة اقولكم علي حاجة مهمة جدا
اولا: طبعا كلنا عارفين ان فيه تطوير حصل ف المناهج والامتحانات اصبحت بصيغة نواتج التعلم ..طب دا هيترتب عليه ايه ..يترتب عليه اني لازم كولي أمر أفهم كويس جدا ان نظام الدرجات خلاص انتهي وحاليا احنا في نظام التقديرات بالالوان .يعني ابنك لو نقص لحد ١٥ درجة فهو جايب امتياز زي ال منقصش حاجة خالص في المادة .فبلاش لما ابنك يغلط ف سؤال بدرجة ولا ٢ ودا طبيعي جدااااااا خاصة في نوانج التعلم _بلاش تجلده وتحسسه بالذنب وانه مذاكرش و . و. .. كدا انت هتبقي اتعاملت مع نواتج التعلم بالطريقة الخطأ
لان نظام نواتج التعلم لو الدرجة هتفرق فيه كانو خلوه بالدرجات مش بالالوان والتقديرات .
النظام دا بيقولك حتي لو ابنك نقص لحد ١٥ درجة فهو كدا مستواه ممتاز .
ياريت نتعامل علي هذا الاساس .ميهمنيش الطالب جايب كام .انا يهمني الطالب طلع من سنة رابعة فاهم ولال لا
وطبعا نسعي ان تقديره ميقلش عن امتياز
مع اقتراب قطار الصف الرابع الابتدائي من الانتهاء خلال ايام قررت وزارة التربية والتعليم اعلان نتيجة الصف الرابع الابتدائي في صورة أربعة ألوان تعبر عن مدى اكتساب المتعلم للمعارف والمهارات كما يلي :
اللون الأزرق : يشير إلى أن المتعلم قد فاق التوقعات في اكتساب المعارف والمهارات ( ٨٥ إلي ١٠٠)
اللون الأخضر يوضح أن المتعلم قد امتلك المعارف والمهارات المطلوبة (من ٦٥ لأقل من ٨٥)
اللون الأصفر يوضح أن المتعلم في حاجة إلي بعض الدعم (من ٥٠ لأقل من ٦٥)
اللون الأحمر يوضح أن المتعلم لم يتقن هذه المعارف والمهارات ولا زال يحتاج إلى الكثير من الدعم (من ١ لأقل من ٥٠).
تُحسب درجة الطالب في المقرر الدراسي الواحد في الفصل الدراسي من خلال مجموع درجات الاختبارات والمهام الأدائية ودرجات المواظبة.
مجموع الدرجات لكل المقررات متساوية وتحسب من 100 درجة وتعطي للطالب في صورة ألوان.
يتم حساب الاجتياز من خلال احتساب المتوسط الحسابي لمجموع درجاته لكل فصل دراسي (مجموع درجات الفصل الدراسي الأول + مجموع درجات الفصل الدراسي الثاني مقسومة على 2) على أن يتم تحويل الدرجات إلى ألوان
خالص أمنياتنا بالتوفيق لجميع الطلاب ان شاء الله في جميع المراحل الدراسية انتظرو كل ماهو جديد يخص أخبار وأدوات التعليم للصف الرابع الابتدائي نظام جديد على منصة كتاتيب مصر.
