بسم الله الرحمن الرحيم
أعلن الأزهر الشريف عن بدء التقديم لرواق الأطفال لتحفيزهم القرآن مجانا في جميع المحافظات ، ننقل لكم التفاصيل كاملة على موقع أكاديمية كتاتيب مصر تابعو معنا هذا المقال.
الأزهر يعلن عن رواق الطفل لتحفيظ القرءان بأحكامه للأطفال مجانًا
الأزهر الشريف يعلن عن رواق الطفل
بالأمس أعلن الأزهر عن التقديم لرواق الطفل لتحفيظ القرءان الكريم، وهنا هنتكلم عن الموضوع بشكل يرد على كل الأسئلة المتعلقة .
١- الرواق ده معمول لتحفيظ القرءان بأحكامه للأطفال .
٢- التسجيل متاح لكل الطلاب سواء أزهريين أو تربية وتعليم .
٣- التسجيل مفتوح من الامس ولمدة 15 يوم على الرابط الموجود تحت .
٤- الرواق ده مجاني من غير أي مصاريف أو رسوم.
٥- التسجيل متاح للاطفال من سن 5 إلى سن 13 سنة.
٦- الحضور هيكون في المعاهد الأزهرية أثناء الصيف.
٧- في معاهد جديدة مخصصة لرواق الطفل بالإضافة للمعاهد المخصصة من قبل كده لرواق الكبار.
٨- ينفع تقدم في أي مكان يعجبك بدون التقيد بمكان السكن المدون في البطاقة ، يعني أنا من البحيرة وهاقضي الصيف كله مع ولادي في مطروح مثلا ينفع أسجل في مطروح عادي وهكذا..
٩- كل سن وله متطلبات تعليمية مناسبة له يعني مثلا 5 سنوات يكون عارف شكل الحروف، 13 سنة يكون حافظ القرءان …
١٠- الحضور في المعهد مش أون لاين ولازم يلتزم بنسبة لا تقل عن 80 ٪
١١- في امتحانات شهرية وغيرها بشكل دوري.
١٢- بعد انتهاء فترة التسجيل هتنزل جداول توزيع يتحدد مواعيد الحضور لكل سن .
١٣- ممكن نتابع الاخبار من هنا في الجروب أو على موقع بوابة الأزهر أو في المعهد اللي احنا اختارناه.
١٤- في الصور هتلاقوا اماكن رواق الطفل الجديدة بالإضافة للأماكن السابقة اللي كانت مخصصة للكبار.
١٥- للتقديم ندخل على الرابط التالي
https://service.azhar.eg/services/rewaq
خالص أمنياتنا بالتوفيق لجميع الطلاب ان شاء الله في جميع المراحل الدراسية انتظرو كل ماهو جديد يخص أخبار وأدوات التعليم الأزهري على منصة كتاتيب مصر.