بسم الله الرحمن الرحيم
بعد ثاني امتحان تدريبي للصف الاول الثانوي 2022 ، على منصة حامل والسيرفر الداخلي بالمدارس لليوم ، ننقل لكم على موقع أكاديمية كتاتيب مصر كل تفاصيل وعيوب ومزايا نظام جاما الجديد تابعو معنا
ملاحظات على منصة جاما وامتحانات اولى ثانوي
ملاحظات على امتحان أول يوم تدريب لامتحان أولى ثانوي على التابلت.
الميزة في منصة جاما ليرن هي أنها بتعمل freeze للشاشة يعني لا تسمح بالدخول على اي ثغرات من خلال التابلت.
لكن نتكلم عن المشاكل اللي قابلت الطلاب اليوم ليمكن تفاديها فيما بعد.
وهو ده الأهم بالنسبة لنا بما أن الامتحان تدريب واختبار للشبكات وموضوعات تقنية و فنية أخرى فلن نتكلم عن مستوى الأسئلة أو مدى صعوبه أو سهولة الاختبار
السيستم :
وجود نفس مشاكل السنوات السابقة في السيستم وهي عدم استطاعة أغلب الطلاب الدخول للامتحان ولو دخل بيحصل مشكلة وقت التسليم وبيفشل ارسال الامتحان واللي بيفشل في الارسال بيدخل مره واتنين وتلاته علشان يوصل لمرحلة الارسال والفرق بين السنه دي واللي قبلها ان ما ينفعش لو الطالب بداخل الامتحان يغير من شبكه المدرسه إلى الداتا أو هوت سبوت غير مسموح والشاشه في حاله تجميد تام.
بالنسبة للمدارس الخاصه اللي امتحنت خارج مدرستهم قابلتهم مشكله ان مرة السيرفر واقع و مرة مدرستهم مش باينة عالسيستم.
بالرغم من ان اولاد المدرسة الاصلية امتحنوا بالفعل ،،
و في النهاية قالوا للطلاب جربوا في مدرستكم بالشريحة أفضل لكم.
ده غير أن في مدارس كامله معرفتش تدخل على السيستم ويكتب لهم الرقم السري غلط.
وللأسف بعض الطلاب لو خرجوا من السيستم بيتم منعهم من الدخول مره اخرى
القلم :
لم يتمكن الطلاب بالكتابه بشكل جيد في الترجمه بسبب القلم كان بيعلق والخط سميك
كان موجود قطعتين ترجمه واحده يقدر يكتب فيها من خلال الكيبورد والأخرى اجباري بالقلم ولا يوجد أي اختيارات أو بدائل هو القلم فقط المسموح بالكتابه به وطبعا أصاب الطلاب بالقلق والإحباط لأنه كان معلق وبياخد مساحه كبيره بسبب سمك الخط
الوقت :
الوقت غير كافي بسبب وجود essay المفروض يكتب الطالب فيه ١٥٠ كلمه وطبعا بياخد وقت بالاضافه لعدد الأسئلة ١٢ سؤال فيهم موضوعين ترجمه و قطعة عليها أربع أسئلة وكل ده مقرر له ساعه واحده فقط
نظام الأوبن بوك :
بما أن الشاشه كانت في حالة freeze تامه وممنوع الدخول على اي تطبيق أو حتى اشعارات او ملف على التابلت فابالتالي لم يستطيع الطلاب الدخول على الكتب الالكترونية على التابلت أو بنك المعرفة
وبما أن الامتحان تدريبي فلا يوجد مشكلة في ذلك ولكن لو تم تطبيق ذلك في امتحان فعلي هيكون مشكلة لأن الطلاب اعتمدوا على وجود الكتاب على التابلت للخروج من مرحلة الحفظ والتلقين إلى مرحله الفهم والاستيعاب ولكن بعدم السماح بوجود الكتاب سواء ورقي أو الكتروني هيكون في مشكلة فعليه والطالب هيبدأ تاني يركز على الحفظ ويخرج من مضمون المنهج وفهمه إلى كيف يحفظ ويضم دون وعي ..
وفي النهايه خرج الطلاب من الاختبار رافضين الاختبار الالكتروني بسبب المشاكل اللي قابلتهم في اليوم الأول
اتمنى اكون نقلت كل الصورة كاملة ورأي الطلاب من ارض الواقع ونأمل خير بإذن الله أن غدا وبعد غد يكون في حل للمشاكل اللي قابلتهم
ولا ننسى الجهد المبذول اليوم من مسؤولي التطوير والتكنولوجيا بالمدارس لتذليل الصعاب للطلاب والوقوف على حل المشكلات قدر الاستطاعه وفي حدود الإمكانيات
ياريت تشاركونا الرأي وتكتبوا تجربتكم اليوم
مرفق اسكرينات من بعض الطلاب من على إحدى الجروبات
خالص أمنياتنا بالتوفيق لجميع الطلاب ان شاء الله في جميع المراحل الدراسية انتظرو كل ماهو جديد يخص أخبار وأدوات التعليم للمرحلة الثانوية على منصة كتاتيب مصر.
