بسم الله الرحمن الرحيم
ننقل لكم مجمل تصريحات الرئيس عبد الفتاح السيسي اليوم كاملة على موقع أكاديمية كتاتيب مصر تابعو معنا هذا المقال.
انتوا عايزين تعليم ولا مش عايزين. السيسي: طارق شوقى خد على دماغه لما جيه يطور التعليم
قال الرئيس عبد الفتاح السيسي عن أوضاع الدولة المصرية، “البلد دى بلدنا كلنا مش بتاعتى أنا بس وانا دائما أقول الأمن القومي والأمن القومي والأمن القومي في كل حاجة الرعاية الصحية أمن قومي، التعليم أمن القومي”.
وأضاف الرئيس: “الدكتور طارق شوقى وزير التعليم خد على دماغه لما مات لما جيه يطور التعليم، انتوا عايزين تعليم ولا مش عايزين لقاءاتنا دي توعية حقيقية لواقعنا واحنا مش بنكسف انتوا قولتوا كلام مرتب هيفهموا ناس كتير وفيه ناس كتير تانيين ممكن مش يفهموا الكلام زى معدل النمو وغيره”.
وأضاف خلال فعاليات إطلاق المشروع القومى لتنمية الأسرة المصرية اليوم الاثنين: من المهم ربط سوق العمل بالتعليم، لكن المواطن يريد إدخال ابنه للجامعة فقط, “لما أخرج آلاف الطلبة من كلية الآداب أقسام جغرافيا ولا تاريخ.. هو سوق العمل فيه الكلام ده؟”.
وتابع: “إنتو عاوزين إيه.. عاوزين تعلموهم لسوق العمل ولا عاوزين تغسلوا إيديكم إنكم علموتهم وخلاص.. العدد اللي بيخرج ملوش مكان”.
وفي ذات السياق، كشف الرئيس عبد الفتاح السيسي، عن أعداد الطلاب الذين انطبقت عليهم شروط الحصول على تدريب على نفقة الدولة بقيمة 30 ألف دولار لكل طالب.
وقال الرئيس خلال كلمته في تدشين مشروع تنمية الأسرة المصرية: “لما اعمل اختبار لـ 200 أو 300 ألف سنجد أن المعايير تنطبق على 50 %؟ بتظلم شبابنا وتعليمنا لقيت 111 شابا فقط، علشان تعليم تعبان كنت مستعد لو فيه 100 ألف طالب قسما بالله قلت هدفعلهم 30 ألف دولار لكل طالب”.
وأضاف رئيس الجمهورية: “يا مصريين اصحوا إذا كنتم خايفين على بلدكم انتبهوا القضية كبيرة جدا قضية بناء مواطن، انت بتجرى على إنك تدخلوا كلية وخلاص وبتحطوا جوه المدرسة وخلاص، وفاكر إنك بتجهز ابنك، وفيه كلمة النبي محمد صلى الله عليه وسلم قال اعقلها وتوكل”.
كما قال الرئيس عبد الفتاح السيسي، إن الدولة تريد منح الأطباء رواتب مجزية، لكنها لا تستطيع ذلك في القوت الحالي.
وتابع السيسي، خلال إطلاق استراتيجية تنمية الأسرة المصرية: الأطباء اللي بيسيبونا عشان المرتبات مش كويسة.. هو أنا مش عايز أديله مرتب كويس ولا مش قادر؟، لأ الدولة اللي مش قادرة.
وأكمل: المدرس اللي بتتكلموا عليه، هو أنا مش عايز أديله مرتب كويس ولا مش قادر.. لأ مش قادر.
وأضاف: في عشرات الألوف اتخرجوا ونيجي نقول هنعمل الاختبار بميكنة ونظم، عشان أخلي الطالب متميز وعايز يشتغل.. يقوم الطالب يقولك انتوا هتعلمونا بالآي باد!.
وأكمل الرئيس: لو فضل كدة هنفضل في دايرة مستوى متدني من العمل.
وأردف: لو خرجت آلاف الطلبة هو أنا هلاقي لهم شغل.. هو سوق العمل في كدة.. هي الأهالي عايز تعلم ولادها ولا تغسل أيديها.
وأضاف الرئيس: المرتبات في مصر منخفضة.. لو عليا عايز أدي المواطن 30 ألف جنيه، بس إزاي؟
خالص أمنياتنا بالتوفيق لجميع الطلاب ان شاء الله في جميع المراحل الدراسية انتظرو كل ماهو جديد يخص أخبار وأدوات التعليم على منصة كتاتيب مصر
